Video
Read full review
2021-05-16
2140 views
呢間位於中環嘅鐵板燒行高級路線，而且仲係間sake bar，老闆對於sake好有研究，酒櫃裏面嘅酒款式多到數唔曬🧐鐵板燒食物嘅質素好高，適合同朋友家人或者情侶去慶祝節日🥳**********<波士頓龍蝦> $388今餐最推薦嘅係依隻波士頓龍蝦，廚師熟能生巧地將龍蝦肉拆出，仲同我地講廚房係有專門嘅水缸養住啲海鮮嫁🤩龍蝦肉咬落彈牙真係超級新鮮，調味就用返原本嘅龍蝦膏加上牛油，炒香後淋上煎好嘅龍蝦肉，入口個下真係好滿足，係必點嘅item啊🔝**********<南非鮑魚> $198海鮮方面仲叫左隻南非鮑魚，放左上鐵板之後仲不停郁，證明真係好新鮮👅醬汁用返本身個鮑魚膽加牛油，原汁原味唔需要再額外加調味，就已經好好食！鮑魚肉質好鮮嫩，做到彈牙QQ嘅口感👍🏻**********<A4宮崎和牛> $368今次食嘅係厚切燒和牛，廚師將和牛切成六件，每件都有返咁上下嘅厚度，所以油脂感十足，裏面仲好juicy，餐廳保證一定係用靚牛🐮**********<鐵板牛舌> $48<香辣蒜和魷魚鬚> $48<海膽帝皇蟹棒>
**********
<波士頓龍蝦> $388
今餐最推薦嘅係依隻波士頓龍蝦，廚師熟能生巧地將龍蝦肉拆出，仲同我地講廚房係有專門嘅水缸養住啲海鮮嫁🤩龍蝦肉咬落彈牙真係超級新鮮，調味就用返原本嘅龍蝦膏加上牛油，炒香後淋上煎好嘅龍蝦肉，入口個下真係好滿足，係必點嘅item啊🔝
**********
<南非鮑魚> $198
海鮮方面仲叫左隻南非鮑魚，放左上鐵板之後仲不停郁，證明真係好新鮮👅醬汁用返本身個鮑魚膽加牛油，原汁原味唔需要再額外加調味，就已經好好食！鮑魚肉質好鮮嫩，做到彈牙QQ嘅口感👍🏻
**********
<A4宮崎和牛> $368
今次食嘅係厚切燒和牛，廚師將和牛切成六件，每件都有返咁上下嘅厚度，所以油脂感十足，裏面仲好juicy，餐廳保證一定係用靚牛🐮
**********
<鐵板牛舌> $48
<香辣蒜和魷魚鬚> $48
<海膽帝皇蟹棒> $48
<雞皮餃子> $68
<鐵板炒野菜> $48
另外叫左唔同嘅鐵板燒菜式，當中比較推薦魷魚鬚同埋雞皮餃子🥟魷魚鬚成隻有頭有尾，可以食到唔同嘅口感，加左辣醬好惹味🦑另外雞皮餃子係以雞皮代替餃子皮，有啲似食緊無骨雞翼，個皮煎得好香脆✨
**********
<原隻北海道北寄貝> $198
<牡丹蝦> $86/piece
<醬油火炙左口魚裙邊> $58/portion
除左鐵板燒之外，餐廳仲有提供各款刺身，原隻北海道北寄貝係當日時令推薦，北寄貝同埋牡丹蝦都好新鮮爽口，而且擺盤都有花思🦐見到有醬油火炙左口魚裙邊即刻心心眼，每啖都充滿住魚油香😍
**********
<威士忌雪糕> $42
<芝士蛋糕> $48
甜品方面有好特別嘅威士忌雪糕，一開頭甜味比較出，之後就會有少少回甘，食得出係有酒精濃度嘅威士忌，食完之後塊面真係有啲熱熱地🥃
Post
