Video
Read full review
2023-12-07
2225 views
Ushio@中環威靈頓廣場今日朋友生日，就益佢請佢食餐好野喇！之前喺網上面睇過人推介呢間位於中環嘅日本燒肉過江龍。來自於日本福岡，主打食嘅係鹿兒島新村畜產農場直送嘅「新村和牛」。舖頭位於中環威靈頓街地舖，轉過彎就好易搵到。店鋪裝修闊落又唔俗氣，每台都會有盞spotlight俾你打卡影靚相時用。客人唔多所以環境好安靜，令人感覺舒服。我哋今日就揀咗坐吧枱，但如果朋友多嘅話吧台傾偈冇咁方便，會建議坐返長枱。佢哋會有推薦嘅Omakase Set，前菜飯麵甜品樣樣有齊，每道燒和牛都有專人服侍，不用自己燒。我哋想試多啲唔同類型嘅嘢，就選擇咗散叫，侍應推介我哋揀瘦肉部份，亦都有我哋簡單講解每件牛來自咩部位，同埋要點樣燒。佢哋嘅牛肉油花平均，肉味突出而且肉質細緻。燒肉調味料同樣出色，有昆布、粗鹽同燒汁，昆布加埋鹽特別好味。ヒレ（Tenderloin 牛柳） 首先嘅係牛肉中最貴重的部位牛柳，牛柳喺控制轉彎的肌肉，牛一生都唔會用得好多，於是肉瘦而肉質柔滑。我覺得算係最好食嘅幾個位置，而且唔使點任何醬汁都已經好夠味。シャトーブリアン （Chateaubriand 牛柳芯）成隻牛貴重中最貴嘅當然是中間嘅牛柳芯
今日朋友生日，就益佢請佢食餐好野喇！之前喺網上面睇過人推介呢間位於中環嘅日本燒肉過江龍。來自於日本福岡，主打食嘅係鹿兒島新村畜產農場直送嘅「新村和牛」。舖頭位於中環威靈頓街地舖，轉過彎就好易搵到。
店鋪裝修闊落又唔俗氣，每台都會有盞spotlight俾你打卡影靚相時用。客人唔多所以環境好安靜，令人感覺舒服。我哋今日就揀咗坐吧枱，但如果朋友多嘅話吧台傾偈冇咁方便，會建議坐返長枱。
佢哋會有推薦嘅Omakase Set，前菜飯麵甜品樣樣有齊，每道燒和牛都有專人服侍，不用自己燒。我哋想試多啲唔同類型嘅嘢，就選擇咗散叫，侍應推介我哋揀瘦肉部份，亦都有我哋簡單講解每件牛來自咩部位，同埋要點樣燒。佢哋嘅牛肉油花平均，肉味突出而且肉質細緻。燒肉調味料同樣出色，有昆布、粗鹽同燒汁，昆布加埋鹽特別好味。
ヒレ（Tenderloin 牛柳）
首先嘅係牛肉中最貴重的部位牛柳，牛柳喺控制轉彎的肌肉，牛一生都唔會用得好多，於是肉瘦而肉質柔滑。我覺得算係最好食嘅幾個位置，而且唔使點任何醬汁都已經好夠味。
シャトーブリアン （Chateaubriand 牛柳芯）
成隻牛貴重中最貴嘅當然是中間嘅牛柳芯啦，全隻牛只得1kg左右的牛柳芯，亦係USHIO招牌之一。不過可能期望過多，覺得牛柳芯味道尚佳，但沒有其他部位香、口感咁細緻同juicy。
リブロース （Ribeye 肉眼）
佢傳統上應該算係牛肉入面最好食嘅部份之一。肉眼嫩滑，味道豐盈，肥瘦適中，口感同肉味極好。
サーロイン （Sirloin 西冷)
西冷都算常見嘅一種牛肉部位，入口富彈性，再蘸點奉上嘅醬油，有更濃厚嘅滋味。侍應見我哋燒得唔太熟，都過嚟幫手燒咗幾塊肉。
ミスジ（Musiji 牛板腱）
呢個係屬於前腿上較後位置嘅腹肉，輕輕一燒，已經十分美味。加上佢哋特製嘅燒肉用醬汁，非常惹味。 イチボ（Ichibo 後腰蓋柳）
本身我想叫嘅係Rump 肉即係腰到屁股嘅一塊。但可惜佢咁啱冇晒，咁我只好改要pat pat後邊後腰嘅Ichibo。雖然佢嘅價值冇咁高，但食落軟綿綿，點上燒汁同埋鹽之後好有肉味。
仲有一樣好嘅係呢度個抽風系統做得好好，食完唔會成身都係油煙味。我仲留意到佢有做午餐定食，用料同份量都唔錯，有機會一定要試下。
Ushio Wagyu Tartare 和牛他他
20 views
0 likes
0 comments
Tenderloin&Chateau Briand&Rib Eye
17 views
0 likes
0 comments
Chateau Briand 牛柳芯
13 views
0 likes
0 comments
Sirloin&Misuji
13 views
0 likes
0 comments
Ichibo
10 views
0 likes
0 comments
Pistacchio Basque Cheesecake
18 views
0 likes
0 comments
Post
