The Balcony (Closed)

經過窄巷見到呢間餐廳叫「The Balcony」，個名幾特別，應該係戶外既露台餐廳，平時都少啲機會食，今晚就試下🤤🤤🤤入到去餐廳環境都好舒適，座位間都算闊落唔會太迫。本身想去露台，但由於當日天氣實在太熱，都係留返係室內嘆冷氣🤣🤣前菜我地叫左煎北海道帶子同凍八爪魚🐙配蕃茄牛油果醬。兩款都帶啲日本feel，似日本同西餐既fusion菜，十分特別🤤😍帶子同八爪魚都好新鮮，配埋蕃茄醬酸酸甜甜，開胃前菜👍🏻👍🏻套餐配埋凱薩沙律🥗同龍蝦餐湯，沙律菜新鮮，食完有refresh既感覺🥗🥗。龍蝦湯有surprise🤩龍蝦味極濃，而且十分creamy，龍蝦迷一定鐘意🤩🤩主菜叫左烤雞🐥配燒薯，烤雞十分貼心，已經起左骨，食肉獸可以大大啖咬🤪烤既時間都掌握十分好，剛剛好熟唔會烤太耐而乾柴，食落仲有肉汁🤤🤤二人餐最後仲有甜品拼盤，有薑味雪糕都係十分特別，平時既西餐廳較少見。總結黎講，二人餐加埋一都係600令蚊，係中環呢個物價高既區，食物有質素而且份量唔細，呢個價錢性價比極高，大推👍🏻👍🏻👍🏻