泰Grill (怡和大廈)

Open Now

Now Closed

呢間泰菜算係幾抵食，之前食過下午茶，今次去咗怡和大廈baseball嘅分店食晚餐，喺中環嚟講，性價比幾高，食物大份又好食！🔸菠蘿海鮮炒飯 $128擺盤幾靚！而且份量多，海鮮有魷魚、蝦、青口，仲有腰果同肉鬆～魷魚切得好靚，幾有誠意！炒飯唔會好濕幾乾爽，有臘腸、提子乾、粟米等，十分豐富！調味適中，大人小朋友好啱食！伴碟新鮮菠蘿都一啲都唔hea，切好晒又輕輕燒過，又甜又開胃！🔸青咖喱牛肉飯 $82見好耐無食過青咖喱想試吓～ 可以揀豬牛雞菜或加錢揀海鮮，我地揀咗牛肉，肉質都算嫩，但有啲有少少筋～ 青咖喱好香口，辣辣夠惹味，配飯食一流！咖喱入面仲有西蘭花，吸晒味！🔸炒通菜 $72份量算多，炒得夠腍又有啲爽口！🔸炸蝦餅 +$38有兩大件，非常爽口彈牙！又唔算好油膩～🔸芒果糯米飯 +$48芒果好甜！應該有半個芒果👍🏻 糯米飯有兩款，整成一個🤍 幾特別！味道唔錯！🔸椰汁冰 +$35呢杯有啲貴，但椰汁味幾濃幾香！