燒烤堂

Open Now

Now Closed

來到中環人氣日式串燒店。餐廳位於大廈地下，雖然唔易搵，但好多人會專登過嚟晚餐！裝修同氣氛都滿分，食物仲要非常好味😋整體味道夠濃，性價比高👍🏻🥢麻辣燒赤雞心加入左特調既麻辣醬去燒，鮮香麻辣，雞心入口爽滑彈牙，辣油在口中慢慢滲開，好刺激好好食🥢汁燒鮮雞肝雞肝燒到岩岩好，口味香濃，入口棉滑，令人回味🥢汁燒免治雞肉軟骨棒雞肉棒入咗剁碎嘅雞軟骨，食落口更爽嫩有咬口，配上海鹽和蛋黃一齊食，好juicy好惹味，必點！🥢鹽燒原塊雞皮一隻手掌咁大既燒雞皮淨係睇個樣都好吸引，雞皮燒至金黃色，入口超酥脆，好邪惡😎🥢厚切鹽燒牛舌拖羅必點！牛舌好厚身且大塊，入口軟嫩多汁，燒烤既炭香味溶入牛舌當中，上面再灑上胡椒燒至微燶，脆嫩彈牙，好爽！🥢韓燒泡菜五花腩加入左韓式辣醬和泡菜，入口更豐富有層次感，肥嘟嘟既五花腩入口Q彈，好香辣好好食！🥢蒜蓉燒廣島蠔非常飽滿，夠晒實心又大隻🥢日式燒白鱔鱔肉好肥美，魚肉爽滑鮮甜，意想不到的彈牙感🥢味淋魚干脆卜卜味道勁香濃，帶點甜糯米嘅味道好惹味🥢焦糖青蘋果鵝肝多士肥美的鵝肝中間夾住一層酸甜的青蘋果片，可以中和番鵝肝的油膩感，鵝肝表面烤至香脆，入口即化，好棉滑好好食！