Video
Read full review
2021-11-19
246 views
覓食到中環，喺星期一忙碌嘅lunch hour靜靜享受一頓Omakase。呢間Sooshi Gold 位於金融中心地段，以位置同環境來說，定價算是抵食，而且壽司質素很不錯呢。$398 廚師發板 (壽司11貫、手卷1份)先享用鮮甜順滑茶碗蒸同沙律，壽司由淡味食起。先嚐淡口伊佐木，師傅先介紹魚款同味道，提示壽司已有醬油同芥末調味。蜜柑雕魚 - 舖上生紫菜，增加鹹香味。蜜柑味比較淡，唔會搶去同樣淡味嘅雕魚鮮味。深海池魚 - 肉質細嫩爽口。帆立貝 - 鮮甜帆立貝係我嘅最愛，加入柚子皮，柚子味道比雕魚重，味道好夾。熟成鰤魚 - 只是稍燒一下外皮，油脂香味突出。甘海老 - 舖面嘅係蝦膏，鹹香味濃，蝦肉都係十分鮮甜，質地黏口，好想encore黎多份😂春魚 - 魚身較為濃味，配上蔥花芝麻，調味香口。拖羅 - 灑上淡雪鹽，魚質滑溜到不行，入口甘美，在舌間纒綿，肥美得化不開來🤤油漬赤身 - 肉質稍緊實，魚肉濃味。燒油左口魚 - 紫菜挺身脆口，帶點海鮮鹹香。炸過嘅紫蘇葉香味清幽，唔會狂烈搶去魚的燒味。拖羅手卷 - 幼滑肥美，入口即溶，啪完一條好回味。海膽 - 鮮甜無比，配上少許飯底係正✨食完11貫壽司，仲有
覓食到中環，喺星期一忙碌嘅lunch hour靜靜享受一頓Omakase。呢間Sooshi Gold 位於金融中心地段，以位置同環境來說，定價算是抵食，而且壽司質素很不錯呢。
$398 廚師發板 (壽司11貫、手卷1份)
先享用鮮甜順滑茶碗蒸同沙律，壽司由淡味食起。
先嚐淡口伊佐木，師傅先介紹魚款同味道，提示壽司已有醬油同芥末調味。
蜜柑雕魚 - 舖上生紫菜，增加鹹香味。蜜柑味比較淡，唔會搶去同樣淡味嘅雕魚鮮味。
深海池魚 - 肉質細嫩爽口。
帆立貝 - 鮮甜帆立貝係我嘅最愛，加入柚子皮，柚子味道比雕魚重，味道好夾。
熟成鰤魚 - 只是稍燒一下外皮，油脂香味突出。
甘海老 - 舖面嘅係蝦膏，鹹香味濃，蝦肉都係十分鮮甜，質地黏口，好想encore黎多份😂
春魚 - 魚身較為濃味，配上蔥花芝麻，調味香口。
拖羅 - 灑上淡雪鹽，魚質滑溜到不行，入口甘美，在舌間纒綿，肥美得化不開來🤤
油漬赤身 - 肉質稍緊實，魚肉濃味。
燒油左口魚 - 紫菜挺身脆口，帶點海鮮鹹香。炸過嘅紫蘇葉香味清幽，唔會狂烈搶去魚的燒味。
拖羅手卷 - 幼滑肥美，入口即溶，啪完一條好回味。
海膽 - 鮮甜無比，配上少許飯底係正✨
食完11貫壽司，仲有湯品同甜品😋 海鮮味噌湯有蜆肉；甜品抹茶奶涷香滑唔會太甜🍮 食完真係好滿足❤️
Post
