Pho Bar (Closed)

Pho Bar喺中環區內都幾出名，成日都坐爆場架，今晚就帶男朋友黎比佢試下😋。-至尊 $98至尊有齊六款餸😎，有生熟牛柳片、牛丸、牛腩、牛𦟌、牛柏葉同扎肉。湯底濃郁香甜，帶少少藥材味。生熟牛柳片同湯底好夾🤤，牛腩肉質軟嫩，不過有啲肥。牛𦟌牛味濃，牛丸爽彈帶肉汁💦，牛柏葉同河粉一齊食索汁之餘又有口感🍜～呢碗Pho真係牛魔王必食！❤️-生熟美國頂級牛肉 $88呢碗都唔錯，佢既美國頂級牛肉片真係食得出有分別👆🏻，肉質嫩滑，食落去係無渣架！牛味比牛柳片更濃，而且帶少少油脂香，而且因為係薄片，所以好吸汁👅。-冰山燒豬頸肉 $48厚切豬頸肉燒到焦脆，而且係我中意既多肥膏，食落好重油脂香，正😋！冰山嘅意思即係生菜🥬，生菜新鮮爽脆，包住豬頸肉食清新得來又Juicy，大推🤙🏻！-青檸梳打 $32 （跟餐+$20）用返泰國既梳打水，大大支，足足有兩杯份量，亦唔會過甜，好清爽～