正月十五 (Closed)

話說係土瓜灣同屋企人食飯做節，之後就同男友兩個人行咗去紅磡，想搵甜品店食個糖水當下場。經過見到五、六間甜品店，有間個menu炒足松記，有兩三間勁多人等位但係望落又無乜特色甜品......最後去咗呢間正月十五食，因為睇落佢個menu最吸引！我叫咗龍眼雪露，男友叫咗個西瓜龍吐珠配西瓜汁。龍眼雪露個味非常古怪，有少少龍眼味加埋雪水味，味道唔討好。相比起另一間做龍眼雪露出名嘅糖水舖，呢間爭好遠。西瓜龍吐珠就普普通通，最好食係球芒果味雪糕，西瓜肉都幾甜，但就無乜特別。西瓜汁溝太多糖水，好甜。座位亦坐得唔舒服同好逼，應該無下次了。