外灘拾號 (Closed)

公司中秋節部門食飯，同事提議去外灘十號，聽都未聽過，一於試試，午餐食片皮鴨，感覺神奇，原來係隻迷你鴨，部門大佬點的，無意見，我負責食就得喇，內容好豐富，繼有片皮鴨二食(鴨肉炒三絲)配义子燒餅、小籠包皮薄又多湯汁、炸脆鱔、雙麵簧、蒜泥白肉、干扁四季豆、醉乳鴿仲有甜品豆沙鍋餅，當中炸脆鱔覺得唔討好，好乾完全唔知食梗嘅係鱔，雙麵簧夠脆口，配有材料似湯嘅茨，味道一般，蒜泥白肉個汁夠香濃，四季豆炒得唔錯，最驚喜係醉鴿，全隻起肉，乳鴿肉香酒味濃厚，本人十分愛，所點嘅所有菜非常合口味，暴風吸入⋯全掃🔚