樂天經典 (Closed)

中秋樂天經典聚餐三五好友來到尖沙咀團聚。華。。。加拿芬廣場地舖全部裝修中，唔知以為上面幾層都無營業。去到2樓，全層都屬於樂天集團，左皇朝，右經典。皇朝八色小籠包色香味滿分，但今次我哋去樂天經典食南洋菜。一望餐牌，有鴕鳥肉食，香港比較少見。鴕鳥肉係好健康架，老饕多個選擇了！夜貓時段的餐牌都可以叫的，部長話為了環保所以無再重印餐牌。多謝支持環保！餐牌上大部份菜式都分大，中，細份量。咁樣真係好貼心，人少少或食量細的去食中菜都可以試多幾味餸。餐廳地方光猛，枱與枱之間距離適中，坐得幾舒服。小菜係熟花生及栗子，諗又甜，唔錯！我哋點了一前菜（脆炸美人魚），一燉湯（瑤柱菜膽竹笙），兩海鮮（胡椒蟹及蒸黃花），一菜（金銀蛋浸菜）及一老鼠粉（銀針粉）。首先個粉真係好好食（利申：銀針粉我的愛），最後加入的特製鹹魚柑桔sauce絕對畫龍點睛，帶出額外香味，食完一碗又一碗。我覺得集團可以將個sauce獨立出售。要挑剔的話個人意見係用再爽口d既銀針粉，咁樣我應該一人食哂一煲。燉湯滋潤。金銀蛋菜消暑。脆炸美人魚的辣味甜味完美融合，爽脆開胃適合佐酒。胡椒蟹一上台就被清光，蟹肉鮮甜，胡椒味出，啖啖肉～可惜貨源關係只有中s