摩登堂 (荃灣廣場) (Closed)

經朋友介紹黎到位於荃灣廣場3樓摩登堂，裝修好摩登，正值係下午茶時段唔多人，經apps 點了以下食物：1. 輕怡無骨海南雞餐配油飯：雖然係茶餐，油飯幾大碗夠熱好好食，雞肉滑嫩配備三種不同醬汁，相當惹味。配特飲薄荷梳打：配搭清新，是消暑好推介，幾好飲唔錯。2. 流金歲月丹麥厚吐司配榛子花生朱古力：厚多士烘過後加入有切開一半的金莎、花生粒、榛子朱古力醬、朱古力雪糕及忌廉唧花做裝飾，是不可力抗的甜品，驚喜位係食落唔係好甜，賣相同餐牌一樣咁靚，份量唔多，最多3個人享用。留意的位置係 ** 餐廳不設收現金 **，最後服務員親切有禮，上餐速度亦快，主動收碗碟，享用甜品時更自動給予人頭數所需的餐具，整體感覺良好。