前家樂餐廳火鍋店 (Closed)

家庭聚會食團圓飯，本身小妹唔太鍾意食中菜，小妹好少出街食雞煲，平時都係爸爸煮，但今日因爲10幾個人所以爸爸話唔煮叫多，出街做食客開心d！咁佢就book左呢間前家樂，話係專業推介喎！估唔到有另一番驚喜☺️小妹就靜靜地等候，叫左一個麻辣雞煲，一個醉雞煲同埋好多配料先係醉雞煲上，倒滿左個煲都只係用左半碟雞，好足料🐥之後麻辣雞煲上，店員話麻辣雞已經係廚房炒好，可以即刻食，第一口食，呢個麻辣雞好唔同，唔係好多醬料，食得出係炒得入味，超好食☺️☺️醉雞煲就第一次食，無幻想既咁差，其實酒煲都是香香的～❤️湯底仲有好多養顏配料，唔錯唔錯！🙈小妹最鍾意食手打墨魚滑，豚肉，同埋芝士竹輪，仲有芝士牛丸，⚠️小心爆芝⚠️太多配料，不能盡錄，因為太好正既關係，有d已經比小表弟食左，今次全部人都話好好食，大家對爸爸既專業推介都讚不絕口☺️🤩