太極樓京滬飯店 (Closed)

是日中秋節，同舊同學一齊黎做節，雖然無左平時既特價套餐，但係我地都趁呢個機會叫左個四人餐再另外單點食物。最特別既一樣菜係水煮魚，係呢度都係第一次叫，上菜時大家都哇左一聲，因為賣相呈紅色，面頭鋪滿辣椒，相當嚇人，同行既朋友覺得好辣，不過本人覺得入口只有少少辣，建議店方可以俾客人揀唔同既辣度，咁就可以迎合唔同口味既人。不過份量方面比想像中少，魚同粉皮都唔多，每人都分唔到三塊魚，如果可以俾多少少或者加D薯粉咁就完美啦。