如粵滬中菜廳 (Closed)

中秋佳節，訂了位食中餐餐廳位於如心酒店7樓，裝修雅致是同屋企人聚餐的好選擇提前訂了片皮鴨，揀了一鴨兩食師傅的刀工不錯，每一塊鴨皮同鴨肉的比例啱啱好，配上青瓜絲同餅皮，非常美味，但是餅皮雖薄，麵粉感覺比較多，對於箍牙的我略嫌少許痴牙而鴨酥卻非常好味，師傅將鴨肉同配料切得很均勻且幼細，配上生菜一起食，豐富了口感又能帶出鴨肉的味道👍另外一道茄子，真是不得了外皮酥脆，入面的茄子夠熱又多汁，再加埋少少炸蒜同椒鹽，真係好鍾意！最後埋單，8個送都係$17xx！抵食！