古早味台灣原味 (Closed)

琴日同frd嗌咗鹽水雞髀滷肉飯同鹽酥雞扒滷肉飯。個飯不過不失咁，不到令人驚歎，都未到好難食咁。個鹽水雞髀食落相對較鹹，蓋過咗雞肉原本既鮮味，加上佢既肉質好鞋，連雞髀都可以整到咁鞋，其他部位就自己諗啦到鹽酥雞扒，一樣食落好鞋，加上炸到好乾，雞扒原本既肉汁/雞油都不復存在，兩者相對而言鹽水雞髀仲好啲。但由價錢上黎講，呢間算平，所以咁既質素都係接受範圍內。始終一分錢一分貨，咁既價錢想食到好好食既又難啲既。