Bistrocana

Open Now

Now Closed

行完山都幾肚餓，赤柱大街有唔少選擇，秋涼嘅天氣當然要坐outdoor 享受下微風同海景。其實間間都未食過，所以隨意揀咗呢間，總括menu.都係heavy 野， 本來點菲力牛扒，因為未食過，但無得供應，所以轉西冷HKD268, 另外一個揀咗西班牙海鮮飯HKD228, set 嚟嘅，價錢已包湯／沙律同drink .先嚟個沙律，用個沙律木盆上，都幾靚，份量幾大，估唔倒有鴨胸又幾豐富👍。湯我就無試牛扒都幾大份，賣相好好，加埋呢個環境好似去咗旅行咁，個扒都幾有牛味，不過就多筋，薯條幾好食。西班牙海鮮飯都到，發現咗一個問題🤔🤔，點解啲飯係濕嘅？應該係乾身，再睇一次menu 原來英文係seafood Risotto, 咁其實中英不符喎，應該海鮮意大利飯先啱呢, 講返個味先，都幾多海鮮，特別係我鍾意嘅魷魚，不過蝦就細隻咗啲。