勝記酒家 (Closed)

星期六晚上，一家人想食好啲，去到港島區呢間勝記，一嘗正宗中菜嘅口味。勝記即燒乳豬, 入口鬆化香脆，加些少乳豬醬，連同軟熟嘅包點一齊食，倍感滋味。而龍躉兩味亦係愛魚之人必點，龍躉片經油泡後，味道更香，而魚肉夠厚身，品嚐到結實嘅魚身時，魚皮膠感豐盈，可以同時係女士滋補之選添。蒸龍躉當然亦不失美味，雖然無龍躉片咁啖啖肉，但係蒸出嚟嘅魚汁非常配合送飯，而龍躉件亦可以食到魚皮、魚骨周邊嘅精華，鮮味十足，質素非常上乘。