妹記大排檔 (Closed)

疫情底下，已經好耐無同三五知已去大排檔食個小炒飲杯啤酒吹返兩句了今日同女朋友，經過尖沙咀，到了夜晚想搵晚餐食。又怕人多，喺諗緊食咩之際經過妹記大排檔，想話好耐無食過大排檔鑊氣小炒，咁一於唔諗啦，就妹記啦。落到去餐廳，唔算多人，每張枱都分得算開，總括嚟講都舒服嘅因為得兩個人食，所以無嗌咁多，嗌咗3個餸「椒鹽豆腐」一個字講晒，正！外酥脆，內滑嫩，味道唔算太咸「啫啫豆豉雞煲」兩個字講晒，無敵！可能啱我自己口味，雖然其他餐廳都經常會食到呢個餸，但哩個雞煲算係我食過咁多入面嘅頭三甲「小炒皇」三個字講哂，都幾好！正常味道，唔太差亦未至於令我有驚歎嘅感覺本人覺得面頭嘅魚干太硬，扣咗小小分不過整體來講，都係好味，推薦值得一試