勝記酒家 (Closed)

一入到餐廳就有好好客嘅公關招待，好開心！我哋幾個人乜都食啲，最近冬天一定要補下潤下。杏汁燉白肺$388估唔到個份量咁大，裏面有好多豬肺，出面買豬肺都好貴，佢整到好林，好食過牛肺。而且裏面都會有其他豬肉、雞腳等等嘅材料，都真係幾吸引。杏汁味道好香，但係又唔會太過濃郁，搶去其他鮮味。分量至少飲到10碗左右，好多人飲都可以。勝記即燒乳豬 1/4隻 $193基本上嚟到呢度一定要食即燒乳豬，啲乳豬皮好香脆，除咗醬汁之外仲有麵包配搭，有少少似片皮鴨。喺其他地方都未食過咁香脆！乾燒伊面＄88伊面份量好鬼大，至少都夠四個人食，雖然乾身但係唔會乾爭爭，啲伊面都幾香！不過都要留意番茶位＄9 ,酸菜＄4一位，依啲係一定要嘅消費。