Video
Read full review
2022-08-27
365 views
生日月很有食神, 品嚐過唔同菜式, 而今晚就有好姊妹特意安排去咗灣仔一間樓上中菜食中式OMAKASE, 第一次食, 真係超期待!餐廳面積唔算大, 圓檯、長檯都有, 坐得闊落。單看今晚MENU, 用料講究, 而所有菜式均為每位份量上檯, 擺盤精緻。先講飲品, 呢度嘅竹庶茅根水, 非常清甜, 飲得出唔係加糖水果種死甜。健康得黎當晚encore咗兩round。侍應送上兩款自家製調味料, 左邊醃製過嘅洋蔥, 比較生, 爽脆有搶口感; 右邊為XO醬, 辣辣地, 香口惹味。粟米燕窩球:金黃色炸蝦球比起成人拳頭細小小, 表面平均附有栗米粒, 一切開粟米粒四散, 蝦球中心釀滿泰國官燕, 非常足料! 蝦球鮮甜味十足, 夾集粟米粒一齊食, 更有層次。上素釀羊肚菌:茨汁好滑, 墊底冬瓜好林又清甜, 配有羊肚菌、野竹笙、雲南松茸, 清香菇味, 配搭清新又健康。咖哩洋蔥蟹肉春卷:春卷炸得金黃香脆, 餡料有鮮味梳梳松葉蟹肉同埋好林嘅紅皮薯仔, mix埋餐廳自調巴基斯坦咖哩, 香辣味跟春卷皮取得平均, 唔會覆蓋蟹肉鮮味, 咖哩汁仲幾惹味。專蘆卡蜂蜜魚叉燒: 呢款菜式令人諗起分子料理, 以龍躉背同埋專蘆卡蜂蜜共同製成
餐廳面積唔算大, 圓檯、長檯都有, 坐得闊落。
單看今晚MENU, 用料講究, 而所有菜式均為每位份量上檯, 擺盤精緻。
先講飲品, 呢度嘅竹庶茅根水, 非常清甜, 飲得出唔係加糖水果種死甜。健康得黎當晚encore咗兩round。
侍應送上兩款自家製調味料, 左邊醃製過嘅洋蔥, 比較生, 爽脆有搶口感; 右邊為XO醬, 辣辣地, 香口惹味。
粟米燕窩球:金黃色炸蝦球比起成人拳頭細小小, 表面平均附有栗米粒, 一切開粟米粒四散, 蝦球中心釀滿泰國官燕, 非常足料! 蝦球鮮甜味十足, 夾集粟米粒一齊食, 更有層次。
上素釀羊肚菌:
茨汁好滑, 墊底冬瓜好林又清甜, 配有羊肚菌、野竹笙、雲南松茸, 清香菇味, 配搭清新又健康。
咖哩洋蔥蟹肉春卷:春卷炸得金黃香脆, 餡料有鮮味梳梳松葉蟹肉同埋好林嘅紅皮薯仔, mix埋餐廳自調巴基斯坦咖哩, 香辣味跟春卷皮取得平均, 唔會覆蓋蟹肉鮮味, 咖哩汁仲幾惹味。
專蘆卡蜂蜜魚叉燒:
呢款菜式令人諗起分子料理, 以龍躉背同埋專蘆卡蜂蜜共同製成嘅仿叉燒, 賣相都幾神似, 口感實肉唔鞋, 做到真叉燒梳梳肉嘅質感; 而表面掃上專蘆卡蜂蜜, 甜甜地, 尤其邊緣位刻意燒濃, 食落有dd焦香, 正!
松子金銀魚湯羹:呢個湯羹同樣足料, 加入了金古魚肉、頂級牙揀片翅, 啖啖食到豐富食材, 而且加咗大量薑 (但口感食唔出), 鮮香得黎, 又有搶口感, 層次超豐富。
蟹黃珊瑚饌玉會冬林:超林冬瓜墊底, 超清甜, 茨汁好滑。北海道帶子為8成熟, 海蝦、龍蝦肉都很爽甜, 伴有手拆蟹黃, 啖啖鮮味。
上湯百合菜苗:上湯好清甜, 菜苗盡索咗個上湯, 味道回甘。
芝麻甜辣鵪鶉: 鵪鶉炸皮超薄, 平均沾上甜辣汁, 再灑上芝麻。一咬脆得有聲, 鵪鶉超嫩滑多汁, 炸皮上甜辣汁稍為辣咗d, 偏重口味, 還好有墊底脆卜卜嘅窩巴, 平衡到些少辣度。
濃魚湯鳳尾雲吞麵:湯底有濃郁鮮魚味, 雲吞皮超薄, 包住宮崎快樂豬肉, 豬肉餡料粉嫩juicy, 麵底為手做風乾麵, 稍為索咗個湯汁令麵質林。
香芒層層疊:兩片不同薄脆上放上芒果卷, 以芒果肉小片圍成花再加入芒果醬, 整體唔會太甜。
自家製黑糖檸檬柚子冰淇淋伴琴酒:黑糖檸檬柚子雪糕球上檯時再加上少量琴酒, 令味道更為濃郁; 雪糕夾集咗柚子皮, 而雪糕整體味道有如奶茶味, 幾正。
Post
