中華滙館 (Closed)

鄉下仔出省城，今日同貴族親戚去到中環高級餐廳食飯。細佬我無見過世面，開頭仲以為貴族親戚帶我去麻雀館，點知睇真d原來係中菜廳。搞到好似將自由女神像當成觀世音菩薩一樣咁失禮。入面嘅裝潢當然係好帶格調，滲透出一陣優雅嘅氣派。碟都靚過人。睇咗眼個菜牌，都係俾親戚話事，話晒佢請。睇緊中途就上咗個開胃小食，酸酸地嘅白木耳。之後有精緻嘅蘿蔔糕，香脆嘅外皮，味道，口感都一流。應該係炸雲吞，外脆內香，配合底下嘅沙律醬香而不膩。貴族不愧係貴族，飲餐茶，食餐飯都要食翻隻鮑魚，雖然細隻但極為精緻，佢話算係咁都唔錯。但只有一隻。佢咁獨食，遲下實變成天煞孤星，注定孤獨終老。講笑啫鹵水鵝掌翼，非常優秀，鹵水汁好香，鮮味秋葵炒牛柳，有芥末味，翻甜的，牛柳好鮮嫩。炒薯粉，有豆芽同肉碎，有一點點辣。