茶木‧台式休閒餐廳 (Closed)

近排細食左，想食d輕量d既食物，好快就諗起茶木。好欣賞佢果d熱茶系列，好適合女士既飲品。女士大部分時間都要戒口唔飲得凍野，但熱飲又冇乜選擇，有呢個熱茶系列，令到我地女士們都有得揀下，於是我試左蘋果無花果雪梨茶，幾清甜潤喉👍🏻👍🏻台灣牛肉面每次黎食都食，因為我好欣賞佢既牛肉煮得好淋，紅白蘿蔔好清甜，無渣。湯底有牛肉味，冇乜味精味。蕃茄忌廉汁蝴蝶粉呢個粉不過不失，冇乜驚喜，個汁冇特別，普通西餐廳果d焗粉感。值得一讚既係個汁既份量控制得唔錯，唔會太多太咸，剛剛好。