Video
Read full review
2024-08-19
199 views
上次嚟筲箕灣買雞蛋仔食，見過呢間糖水舖，但價錢偏貴，就無試到。點知今日同朋友食完飯話直落食埋糖水，就帶咗我嚟呢間食。呢間舖唔大，唔夠二十個堂食位，所以都等咗陣。一行四人就叫多啲share 試吓。朋友極力推介榴連沙冰，食落真係好正，連唔太愛好榴連嘅我都覺得好好味，貓山王榴連茸好香味道好濃，配埋榴連沙冰同芋圓食，成個配搭好match。另外紅棗豆腐花都好有驚喜，紅棗汁好濃，豆腐花亦係老闆自己整，所以好新鮮，豆味重，又唔會太甜，諗唔到一個聽落普通嘅甜品可以咁好食。本身對椰皇芝麻湯丸都無乜期望，點知佢嘅湯底係似100%純椰皇水🤣超清甜～湯丸就正正常常，椰皇燉奶都唔算好突出，因為湯丸湯底太出色。仲有叫咗芒果腸粉，baileys梳乎厘，質素都唔差，但比起其他甜品就失色啲。因為得老闆一個人整，仲要都係新鮮製作，所以要預返啲時間等。價錢會偏貴，但份量夠足，人多嚟可以咩都叫吓share嚟食👍🏻#shaukeiwan #tungtaistreet #desserts #latenightfood
呢間舖唔大，唔夠二十個堂食位，所以都等咗陣。一行四人就叫多啲share 試吓。朋友極力推介榴連沙冰，食落真係好正，連唔太愛好榴連嘅我都覺得好好味，貓山王榴連茸好香味道好濃，配埋榴連沙冰同芋圓食，成個配搭好match。
另外紅棗豆腐花都好有驚喜，紅棗汁好濃，豆腐花亦係老闆自己整，所以好新鮮，豆味重，又唔會太甜，諗唔到一個聽落普通嘅甜品可以咁好食。
本身對椰皇芝麻湯丸都無乜期望，點知佢嘅湯底係似100%純椰皇水🤣超清甜～湯丸就正正常常，椰皇燉奶都唔算好突出，因為湯丸湯底太出色。
仲有叫咗芒果腸粉，baileys梳乎厘，質素都唔差，但比起其他甜品就失色啲。
因為得老闆一個人整，仲要都係新鮮製作，所以要預返啲時間等。價錢會偏貴，但份量夠足，人多嚟可以咩都叫吓share嚟食👍🏻
#shaukeiwan #tungtaistreet #desserts #latenightfood
Post
