茶餐廳2.0 (Closed)

一個星期總有一日返娘家食飯，不過，A爸同A媽真係好極端，A爸就好鍾意食唐餐，但A媽就話平時屋企都煮唐餐啦，所以佢話出街就梗係唔好食中菜啦。今日去到大埔嘅茶餐廳2.0，款式夠多，優錢夠經濟實惠，佢兩個都好滿意。鹹魚雞粒豆腐煲A爸揀嘅套餐包飯同湯，加$20仲有炒菜。呢個鹹魚雞粒豆腐煲嘅鹹香味十足，雞肉好嫩滑，而豆腐索晒鹹魚嘅香味，好滑溜。用嚟送飯一流。蕃茄海鮮天使麵A媽就叫咗蕃茄海鮮天使麵，海鮮有青口，帶子同墨魚仔，天使麵份量唔少，掛上蕃茄醬，酸酸甜甜，好好味。全日特色早餐特色早餐有豬肉腸、炒蛋、炒菌、蕃茄、煙肉、焗豆、火腿同牛角包，略嫌份量少咗啲，但女仔嚟講都夠飽。珍珠奶茶呢度嘅名物唔少得港式代表雞蛋仔，而台式代表又點少得珍珠奶茶？茶底夠香，而珍珠唔會死甜，唔錯。