居廬 Cafe (Closed)

還是假日的下午，想去太子行吓，試下一些新口味，曾在報章介紹過此店，但真的幾難找，其實近深水埗果邊，地方頗特別，附近舊樓臨立，大多數是布行同車行。而裝修也中西合璧，用北京胡同做藍本，湛入中國古建築味道，內有大宅門裝飾，初看以為是間茶居，再加上店名叫「居盧」，不其然令人誤會。去到十分好運，有一枱空置，還近路邊，這些自閉位最啱我一個人的下午茶，不過店員好似太少，好耐都未有人來落order。最後我order 咗焗芝士吐司，加上番茄和煙肉，烘得好香脆，我本人不好芝士，都覺得味道不錯，芝士半融，再配上沙律菜，balance 返油膩感，感覺健康㸃。我叫的芒果熱情果凍茶，都十分解渴，兩種果味都分明，不太甜，由於今日雖然是四月初，但特別炎熱像夏天般，故此我放棄叫咖啡。（這裡的咖啡以公仔拉花出名），飲品好快到，可能吐司製作需時，等了二十分鐘，不過出來熱滕滕，都算係咁！總括來講，食物質數不錯，waffle 都是客人熱點甜品，不過價錢認真偏貴，同出面銅鑼灣及旺角看齊，本人就覺得應調整一下。P.S. 其實坐路邊位也不錯，像外國露天茶座（雖然路旁是深水埗大街）但偶有清風送爽，悠然自得！