Video
Read full review
2022-11-01
438 views
Lunch set $119包前菜/沙律 + 薄餅/意粉Typhoon Shelter Linguini $119蟹肉份量足，加上豆豉，蒜頭，蔥同醃製辣椒，好惹味，不過蒜頭炸得唔夠脆，偏硬；扁意粉軟硬適中，有嚼勁；本身prefer避風塘會有鑊氣，香辣啲，但可能西式煮法，做唔到鑊氣呢回事😅Mafaldine Bolognese $119牛臉頰蕃茄肉醬加巴馬臣芝士係經典嘅意粉配搭，味道唔錯，配上比較少見嘅波浪麵，麵條較闊身同有質感，亦都好掛汁。Fini’s Popcorn Shrimp $95蝦嘅炸粉偏硬身，唔係酥脆嗰隻，可能想做到似焦糖爆谷嘅口感，味道似口水雞汁嘅味，帶少少酸味嘅麻辣醬味咁，都幾得意🤣〰️〰️〰️〰️〰餐廳款式幾新穎，加入咗地方嘅風味，例如有避風塘意粉，麻辣汁嘅炸蝦，味道幾特別，但稱唔上好好食😅 $119 Lunch set，仲要另收加一服務費，同區嚟講可能唔算好貴，但味道唔算好好，呢個價錢有更多更好嘅選擇。餐廳裝潢幾有美式氣氛，座位寬敞闊落，lunch hour亦唔算好多人，同朋友仔慢慢食慢慢傾計就啱哂。店員全部都係外籍人士，好友善，周不時都會問吓你How’s your foo
Lunch set $119
包前菜/沙律 + 薄餅/意粉
Mafaldine Bolognese
19 views
0 likes
0 comments
Typhoon Shelter Linguini $119
蟹肉份量足，加上豆豉，蒜頭，蔥同醃製辣椒，好惹味，不過蒜頭炸得唔夠脆，偏硬；扁意粉軟硬適中，有嚼勁；本身prefer避風塘會有鑊氣，香辣啲，但可能西式煮法，做唔到鑊氣呢回事😅
Mafaldine Bolognese $119
牛臉頰蕃茄肉醬加巴馬臣芝士係經典嘅意粉配搭，味道唔錯，配上比較少見嘅波浪麵，麵條較闊身同有質感，亦都好掛汁。
Typhoon Shelter Linguini
12 views
0 likes
0 comments
Fini’s Popcorn Shrimp $95
蝦嘅炸粉偏硬身，唔係酥脆嗰隻，可能想做到似焦糖爆谷嘅口感，味道似口水雞汁嘅味，帶少少酸味嘅麻辣醬味咁，都幾得意🤣
Fini’s Popcorn Shrimp
20 views
0 likes
0 comments
〰️〰️〰️〰️〰餐廳款式幾新穎，加入咗地方嘅風味，例如有避風塘意粉，麻辣汁嘅炸蝦，味道幾特別，但稱唔上好好食😅 $119 Lunch set，仲要另收加一服務費，同區嚟講可能唔算好貴，但味道唔算好好，呢個價錢有更多更好嘅選擇。
餐廳裝潢幾有美式氣氛，座位寬敞闊落，lunch hour亦唔算好多人，同朋友仔慢慢食慢慢傾計就啱哂。店員全部都係外籍人士，好友善，周不時都會問吓你How’s your food?，關心吓嘢食啱唔啱你胃口咁，又會問吓你要唔要加嘢飲呀，甜品咁，接受到嘅就係服務殷勤，接受唔到就會覺得佢哋好hard sell🤣 不過佢哋都係問一句㗎啫，你拒絕就得，唔會狂chur你chur到要你落單為止嘅~
〰️〰️〰️〰️〰️
食物: 3.5/5
性價比: 3/5
環境: 4/5
服務: 4.5/5
Revisit: Maybe
Post
