袁記雲餃

Open Now

Now Closed

差唔多16：00嘅時間仲未食晏，路過見新開就幫襯，見有下午茶所以同朋友一齊嗌咗一個雲吞同一個水餃麵下午茶餐。下午茶餐係$38包熱飲，凍飲要加錢，見餐牌所有單叫飲品都係$13，以為粟米汁都可以跟餐免費送，原來唔得，問咗店員先知要加$10先可以飲粟米汁，所以都係嗌熱檸茶算。關於水餃同雲吞嘅份量，如果嗌水餃嘅話只係會得四隻，而嗌雲吞就會有6隻，水餃同雲吞嘅口味都可以睇返餐牌有嘅自選一款口味。我同朋友一人嗌咗一款水餃同雲吞，然後交換食，咁樣睇落就可以試多啲，所以建議2個人或以上去食，咁就可以一次過試多啲水餃同雲吞口味。麵質好食嘅，湯底唔鹹，份量適中。