Video
Read full review
2018-08-28
38 views
同朋友慶祝生日揀左哩間日悦放題。去到門口先知哩到有生日優惠，只要其中一位顧客喺前或後一星期生日，6人同行可獲1人免費🤑。哩個優惠仲可以同時間與4人同行奉送活魚薄切一份優惠使用，超級之抵。果日喺星期六5:30pm時段，但人數非常少，伏味很重😟。見到自助bar啲款式同外觀，認真麻麻。起初對哩到嘅食物都唔抱太大期望，不過除左自助bar，其實整體食物都算平均，二百幾蚊一位，質素都算ok。大根牛骨湯味道：🌕🌕🌕🌗自助bar哩個湯我覺得最值得試。湯底清唔油，有好清香嘅牛味，飲完唔會口渴👍🏽。活魚薄切（4人同行優惠）味道：🌕🌕🌕我吔有8個人，所以有兩盤架！賣相唔錯，打卡ok😗。魚切得好薄，不過都有啲啲啲韌，唔腥。同三文魚比我會揀返三文魚😆。不過味道尚可，可以一試。炸物類炸物類都幾好，上枱時仲熱熱地，炸物外皮好脆。我覺得哩到嘅雞軟骨好好食，有少少辣，比出邊食開嘅惹味得多。值得一提哩到除左有芝士波仲有榴連波波❤️，唔係間間放題食到架！榴連波波外皮少少脆，咬開後會有啲粘牙，好有口感。一咬榴連餡會爆出黎，食嘅時候要小心啲😆。榴連味都好出，不過果種榴連味唔會殘留喺口腔好耐，所以即管放心食，唔會影響之後進食其他食
果日喺星期六5:30pm時段，但人數非常少，伏味很重😟。
見到自助bar啲款式同外觀，認真麻麻。起初對哩到嘅食物都唔抱太大期望，不過除左自助bar，其實整體食物都算平均，二百幾蚊一位，質素都算ok。
大根牛骨湯
味道：🌕🌕🌕🌗
自助bar哩個湯我覺得最值得試。湯底清唔油，有好清香嘅牛味，飲完唔會口渴👍🏽。
活魚薄切（4人同行優惠）
味道：🌕🌕🌕
我吔有8個人，所以有兩盤架！賣相唔錯，打卡ok😗。魚切得好薄，不過都有啲啲啲韌，唔腥。同三文魚比我會揀返三文魚😆。不過味道尚可，可以一試。炸物類
炸物類都幾好，上枱時仲熱熱地，炸物外皮好脆。我覺得哩到嘅雞軟骨好好食，有少少辣，比出邊食開嘅惹味得多。值得一提哩到除左有芝士波仲有榴連波波❤️，唔係間間放題食到架！榴連波波外皮少少脆，咬開後會有啲粘牙，好有口感。一咬榴連餡會爆出黎，食嘅時候要小心啲😆。榴連味都好出，不過果種榴連味唔會殘留喺口腔好耐，所以即管放心食，唔會影響之後進食其他食物嘅味道架😆。
味道：🌕🌕🌕🌖
燒物類
正正常常，喺個牛肉串特別好食，啲肉好淋，有黑椒味👍🏽。
味道：🌕🌕🌕🌗
魚生/壽司🍣類
普普通通，冇腥味，又唔特別新鮮，不過不失。
壽司款式算多，飯唔會鬆散，大小適中，點多幾件都唔會好快飽。
味道：🌕🌕🌕
甜品
款式唔多，自助bar有四五種款式揀。除左基本雀巢雪糕無限食之外，每位顧客都可選movenpick或haagen-dazs雪糕一杯。
味道：🌕🌕🌕
埋單平均每位二百幾蚊，如果想平食，要求唔喺好高，哩到絕對適合不過。下次會再黎👌🏻。
Post
