松記糖水店 (Closed)

食完貴價唔太飽法國菜，又多左個藉口食甜品！今次黎到搬左鋪位既松記，上年仲係同一條街街尾，依家搬近大街，人流多左好多（本身都夠多），好彩黎得尚早，好快有位坐。綠豆芋圓仙草凍（＄30）：D綠豆蓉有D不美觀....一pat pat咁見到有少少嚇親，不過，味道係OK架，唔會太甜，D綠豆沙又有少少陳皮味，芋圓就唔係好夠味，可能木薯粉落太多！紫薯芋圓紫米露（＄36）：港女最愛之一既紫薯，仲有我愛既芋圓，梗係要試試。同上。芋圓唔太有味，雖煙韌但得個咬口，好彩個紫薯蓉好香甜， 同D紫米一齊好好食，紫米又唔會太稀（有D店真係稀到... 真係糖「水」黎），overall好味過綠豆果款。另外，食神無啦啦照料下突然收到佢地送既糖不甩2粒，但人地枱無架（殊～），睇你地好唔好彩啦xD糖不甩出乎意料好好味！湯圓係無餡的，但食得出加左蕃薯同薑汁，點埋D黑糖同花生碎，熱熱地食好香甜軟糯，好味啊！！下次要叫一份黎食！