謝謝儂 (V City) (Closed)

呢間餐廳嘅環境舒適，枱與枱之間有充足的空間。午市套餐分為兩種，分別為小菜套餐同麵店套餐。這次點了菜肉雲吞麵加春卷。麵有4隻大雲吞，餡料啖啖肉，但菜的比例很少，所以食落有點膩。而湯底則清而冇味，較為失望。侍應通知餐牌的紫甘藍肉絲春卷改成了蝦春卷。春卷脆口，乾身而不油膩，蝦食落去也彈牙有鮮味，有驚喜。呢個套餐望落唔算大份，但食完都好飽肚。之前都有幫襯過呢間餐廳，感覺食物的水準穩定，不過不失，算是一間穩打穩紮，不會怎麼出錯的餐廳。