食樂

Open Now

Now Closed

中路過呢間餐廳，見佢外面裝修幾靚， 放滿曬綠色植物 ，內裏又坐滿曬人 ，再望一望個價錢牌，又唔算貴喎 ，於是就入去試一試喇。一入到去就見到一大幅黑板畫，上面畫曬啲可愛嘅貓貓， 勁得意。中午人比較多，有好多學生哥都嚟食飯，座位逼夾， 需要搭枱，坐得唔係好舒服。紅咖哩雞扒飯落單冇耐好快就上菜喇， 飯嘅賣相麻麻地， 粗略數過雞扒若莫有五舊， 份量適中。 咖哩入口微辣，帶些少香料香氣。 雞肉唔算入味，但亦冇話有雪味。味道唔錯，但冇乜驚喜，整體中上。 除餐送一杯熱咖啡， 承惠68蚊。