FRITES Belgium on Tap (灣景中心大廈)

Open Now

Now Closed

Frites 唔係第一次幫襯，但灣仔呢間就未去過。灣仔嘅Frites 有室外同室內位，我哋預先訂咗枱，去到就安排我哋坐室內。一入去就已經覺得好嘈，佢哋將啲四人枱用隔板隔開，變哂二人枱，變咗人連人，坐到好逼，而且人坐多咗，就更加嘈。希望佢哋會改善下，唔好坐得太逼2個人去食，叫咗一個星期四嘅Ribs、半公斤青口，一個炸蝦+蟹肉球先講個炸蝦+蟹肉球，一啲都唔好食😕食到有一粒仔彈牙嘅肉，但係既無蝦味又無蟹味，完全唔知自己食咗啲乜。呢個炸球除咗佢上面嗰pet 沙律醬之外，係完全無其他味嘅Ribs & Fries個Ribs 啲肉偏「鞋」，叫做做到離骨，但係唔夠堅尼地城嗰邊啲鬼佬酒吧做得咁好食，又香又滑又離骨。Fries 係失望在佢居然用幼薯條，無調味，唔夠香口、太油，食到尾凍咗就硬。幼薯條好食應該係西營盤嗰間西班牙菜La Polma。青口叫咗地中海風味，但其實除咗個辣肉腸之外，其他味道唔算好出，但係香嘅，青口都新鮮嘅食咁多隻，得一隻無打開口。好在將青口個薯條轉咗做沙律，否則我哋一定食唔晒兩個人食加埋啤酒總共食咗700幾，中規中矩啦。份量夠大，唔好講女仔，男仔都一定飽。