一樂燒臘飯店 (Closed)

一樂，以前係冰室0個陣，因為個樣唔係好「睇得」所以卻步．．．裝修之後，尤其係住緊大埔墟0個陣，其實都算係經常幫襯的鋪頭之一（尤其係想食燒味的時候）燒味，大家都知啦，斬個雞頭到斬個雞尾俾你都可以好唔同，不過，呢間燒鵝又真係做得ok，真係鵝，同埋，d鵝肉係無怪味、燒得幾好。皮，可能會硬左d；仲有，佢真係唔鐘意俾酸梅醬人．．．（係咪好貴架？）通常燒味都無餐叫架啦．．．我呢d窮等人家都係食碗飯就走，另外，叉燒ok，雞就未試過了。如果無乜胃口，又唔想諗食咩，去食碗燒鵝瀨幾好的。無試過佢其他菜，因為賣相唔係好得。裝潢幾特別，養左好大缸魚。服務一時時，有時你會想爆佢的，小心。