Coffeeholic (Closed)

約朋友食午餐，想搵間cafe可以坐耐少少。鋪頭唔大，不過十二點三到都仲有位。佢每個餐都跟湯。個湯好麻麻，好似飲水咁，小妹飲左兩啖就放棄。朋友叫左個意大利膾牛肋條，個樣幾靚！我就叫左個全日早餐。佢份量唔太大，男士有可能唔夠飽。黑松露馬鈴薯最正，黑松露味好香，而且佢有啲薯仔粒，好有咬口。溫泉蛋響個杯入面，無乜調味的。橙有一片，而個餐都有個沙律。沙律醬係蜂蜜芥末醬，幾好味，而且有啲腰果同果乾，唔錯！佐墨汁麵包就無乜特別，唯一特別就係黑色。旋風薯炸得唔錯，不過唔敢食太多，我見附近個個都無食哂。總括黎講係正正常常，以呢個質素略嫌偏貴。