秘 (鴻運樓) (Closed)

大家有無掛住鄉下嘅吉列牛呀🤗近期都開左唔少主打食吉列牛嘅餐廳，究竟今次嘅《秘》可唔可以為大家止止渴呢🤔？🥩秘。燒黑松露吉列牛加配定食吉列牛外層炸得酥脆，比較可惜嘅係牛肉解凍爭左小小，以致做唔到就咁食都外脆內軟嘅感覺，慶幸牛肉油花都算豐富，用石燒加熱食勉強可以救得返，但鍾意食比較生嘅朋友就可能會失望，另外要挑剔嘅係跟餐嘅大根湯過於清淡，清到無咩味，可能俾碗麵豉湯我會開心少少，而白飯加左飯素同紫菜食落香口，流心蛋呈啫喱狀足夠出色，如果牛肉解凍做得好啲會更高分。