富記驛站

Open Now

Now Closed

最近同朋友去踩單車踩到咁上下就嚟咗呢度食午餐，因為餐廳位置非常方便，而且門口仲有好多空位可以泊單車，對於單車友嚟講係一個非常唔錯嘅補給站。餐廳提供室內同室外座位，鍾意喺樹陰下望住河景享受大自然可以選擇室外。餐牌選擇非常多有粥餐、快餐、下午茶餐、全日餐等等，而且仲有每日精選。侍應姐姐好好人，每人送咗碗例湯俾我地。自己叫咗炸雞髀薯條，雞髀炸到金黃色，而且仲要大大隻，食落香口啖啖肉。朋友就叫咗福建炒飯，炒飯都足料而且都算大碟，所以朋友比咗碗我食，炒飯味道唔錯。