茶涮涮 (Closed)

今日我黎到銅鑼灣茶涮涮，一個位於市中心既火鍋店！我哋揀咗犇盛合套餐火鍋($398)每人，湯底就揀咗高山龍井鰹魚昆布湯鍋，一啖湯底已經食到好重既昆布香味！首先，我哋嚟到嘅前菜係刺身三點。每一塊新鮮嘅生魚片都有獨特嘅鮮味，肉質鮮嫩多汁，一咬入口就覺得入口既化。接著，嚟到嘅蟹肉沙律，裡面有大量鮮嫩嘅蟹肉，配合清新爽口嘅沙律醬汁，真係好開胃！到左主菜方面，海鮮拼盤份量都幾大，有野生虎蝦、特選帆立貝同埋海魚，兩隻大虎蝦好顯眼，而食落肉質鮮脆，鮮味十足。叫得犇盛合，唔少得要評價下肉拼盤！呢個餐包澳洲一級肉眼、美國精選安格斯牛小排同埋牛五花，牛小排肉質鮮嫩，每一口都帶嚟濃郁嘅肉香。特別值得一提嘅係有包美國無激素春雞，唔會只食牛咁單一。最後，呢到既野菜盤都唔錯，都有起碼６，７種唔同既菜。另外，稻庭烏冬都幾彃牙，加入火鍋中絕對減少左極多邪惡感。最後，結束一頓美食之旅，當然要品嚐下店家精心製作嘅甜品！今日既甜品係雪榚，雪榚質感綿密細膩，甜度岩岩好。總括而言，呢度嘅犇盛合套餐火鍋真係令人讚不絕口！無論係新鮮嘅海鮮、多款既肉類定係最後嘅蔬菜，每一樣都係幾高質又好味。加上湯底香濃，服務周到，真係值得一試！🍲🍣🦀