北海道牧場餐廳 (Closed)

12點前黎到, 所以好幸運唔洗等位。離開既時候, 就見到好多人喺門口等.....叉燒湯意粉:湯好濃, 偏油, 所以我淨係飲了幾啖。叉燒肉份量都幾多, 肉煮到好腍同入味。北海道牧場餐廳仲撒了一些綠色既 dried parsley 做 garnish, 令成個餐既 presentation 加分! 感覺頓時變了高級少少既西式版港式茶餐。炒蛋好香, 好滑,見到一層層, 好鬆軟, 裡面仲有一小部份係半生熟既蛋漿,所以炒得剛剛好!!但好似好重既牛油味多過北海道牛奶味?仲有厚厚既牛油多士! 因為實在有點飽,所以淨係食了一塊麵包。裡面搽滿金黃色既牛油, 好香!! 北海道咖啡:哈哈哈, 我落了太多糖, 所以杯咖啡太甜...但都飲到咖啡好滑, 好香!下次落少一包糖, 先可以真正試到呢杯北海道咖啡既味道。位子有點窄同逼, 所以食完就走。