泉章居

Open Now

Now Closed

同同事慶祝生日，揀左呢間酒樓，好彩之前訂左位，我黎到時見到門口坐滿人等位，佢已分左兩層，但都full，同埋打電話個陣，佢話book左都要等多陣先入得，應該幾出名下。我地被安排坐一樓，都算闊落，同埋冷氣夠，環境不錯了！因為一行11人，所以叫左好多野食，我逐碟逐碟講啦。首先係梅菜扣肉，佢舊豬肉好lum好入味，油脂分佈平均，唔會得舊肥豬肉，送飯確實一流，但最衰無試佢d梅菜。佢個霸王雞超好食同埋好大碟，雞肉好嫩滑，佢d薑蔥唔同一般咁油浸，切哂粒俾人點黎食，佢係切絲舖上面，咁樣就容易夾到黎食，同埋無油，食落唔會成口油。個菜就普通腐乳炒通菜。春卷配豬大腸，我覺得個春卷唔多掂，皮好厚(就算脆)，入面配既係菇，但個味好怪，總之唔好食....個豬大腸ok，但略嫌佢炸得太耐，有d硬！個蒜片牛柳粒好食，因為好lum又入味，但普通貨式，無咩好講。靈芝菇炒煙鴨胸，我覺得d味同牛柳粒差唔多，我估都係一樣既秘製照燒汁，不過唔同既係個煙鴨胸超硬，差d 扯爛我d牙！個酸甜豬扒好食，唔太酸唔太甜，味道剛剛好，豬扒夠lum！紅燒豆腐我覺得一般，因為我覺得d豆腐頗硬，個汁又唔夠味，好淡！炸白飯魚(唔係椒鹽，係點喼汁)，個魚本