梨滿園韓國料理 (Closed)

尋日中學同學聚會，四位老友就約咗去呢間位於樂富商場3/F嘅梨滿園食任食韓燒，價錢就$188位加一食90分鐘，食物款式都唔少有:前菜小食、烤肉類、湯飯麵食、小炒、壽司/刺身、炸物類同汽水/雪糕……等任飲任食包羅萬有，呢度上菜速度都幾快，剔完紙仔交單啲野食都好快送到，烤肉類同海鮮嘅質素唔錯特別推介：1, 牛仔骨同頂級牛肩肉 (食落有好香嘅牛肉味配埋生菜食一流)2, 雞腎 (砌得幾大塊燒完好爽口) 3, 青口 (飽滿厚肉有口感)4, 海蝦 (蝦肉彈牙唔黐殼)最後總結: 以二百零蚊嘅價錢食到咁多嘢仲有呢個質素已經無話可說了