遇見花蓮

Open Now

Now Closed

自從搬走咗之後都有一段時間冇去食啦！今晚同爸爸返嚟呢頭，我即刻好想入去食臭臭鍋！趁天氣涼咗，食鍋真係啱晒！有實體Menu睇，亦可以手機落單。呢度坐得舒服又唔嘈～ 同爸爸每人各自嗌咗一個 《 沙茶牛肉鍋 $126 》（可選配白飯/粉絲）我哋揀咗粉絲因為覺得粉絲吸晒沙茶湯底好好味～湯料好豐富，有津白、冬菇、金菇、甜不辣、芋頭真丸、福州魚丸、蛋餃、鵪鶉蛋、好軟腍嘅牛筋、唔韌嘅牛肚、牛丸、爽彈嘅牛板腱同吸湯嘅蜂巢豆腐～ 份量都好多，其實兩個人share一個鍋再嗌其他嘢食都OK～ 最後加埋粉絲真係飽到不得了，但好好味！主食可加配飲品，最平$8杯就有啦！《 芋香珍珠奶茶 $12 （凍）》 可選少甜少冰。《 桂圓紅棗茶 $8（熱）》 養生之選。