文鼎酒家 (Closed)

今年公司做冬去咗文鼎酒家，一行十二人叫咗一個四人餐再加一個六人餐，散叫咗文鼎十八斬及另加點心。文鼎十八斬係凍蟹刺身以多款酒來醃製再用了18種材料的特製醬汁調味，日式長腳蟹刺身食得多，中式就真係第一次，隻蟹斬咗十幾件，蟹刺身肉不多，但膏就滿溢，特製醬汁酸酸辣辣，好特別的一道菜。 寧波菜味道偏濃帶甜，我最喜歡紅燒肉煮得淋不太肥膩，蘿蔔亦好入味。雖然叫咗十人分量嘅餐，但店方好主動給我們十二碗湯丸糖水，真抵贊!