牛魔 (Closed)

好耐無去過食燒肉，所以就去咗尖沙咀「牛魔」食晚飯，適逢依間餐廳開業五週年，依家可以五周年優惠價$680就享用到價值$860嘅二人前星級熱賣套餐，仲要17:30後用餐可享九折優惠，折上折真係值得一試。依個套餐包含咗幾款和牛菜式，仲有D日韓配菜及醬料提供，自己可以整唔同combinations食。*此餐廳收取加一服務費。二人前星級熱賣套餐（單點$860），美國和牛封門柳，表面鋪滿紫蘇花、蒜蓉、香蔥、檸檬，肉質軟腍，牛味濃郁。美國和牛牛板腱（跟餐$0），油脂分佈均匀，食落入口即化，配以檸檬汁、蒜蓉食用，牛味更加突出，配菜包括有杏鮑菇。煙燻蘋果木松露和牛他他（跟餐$0），一打開玻璃罐就即刻有煙霧飄散，散發出輕微蘋果木香味，生牛肉肉質嫩滑，牛味濃厚，配以黑松露醬、蘋果絲、日本生雞蛋蛋黃、香蔥、蒜蓉食用，口感更多層次，味道更加豐富。全天然西班牙豚肉五花腩（跟餐$0），厚切五花腩肉質肥瘦相間，食落油脂味濃，配以韓式泡白菜、生菜、韓式大醬食用，食落充滿韓國烤肉風味，配料包括紫蘇葉、珍珠筍。黑松露和牛肉碎炒飯（跟餐$0），表面鋪有香蔥、芝麻，和牛食落有咬口，炒飯食落粒粒分明，內有紅蘿蔔、香蔥，略嫌黑松露