水剌韓饍 (Closed)

上星期日媽咪生日，而佢就最鍾意食韓菜，所以身為乖仔嘅我，就帶左佢去尖沙咀山林道“水刺韓饍”品嚐一番正宗韓菜，開心一下。佢地裝潢都挺高檔，韓風味濃，而座位亦非常舒適，當晚我地點左媽咪最喜歡嘅菜式，當中包括有:1）韓式人參雞湯…………雞肉相當鮮嫩，唔會韌，而湯好清甜，好有鮮人參味。2 ) 韓式海鮮葱餅…………煎得非常香口，中間夾雜住好多葱，同好多海鮮，勁有口感。3）石頭鍋飯………………有好多芽菜，蘿蔔絲，配埋太陽蛋攪勻，飯香四溢。當晚媽咪食得好開心，因為所有菜式都係佢至愛，且味道相當有水準，確實令人難忘。