Video
3-min walk from Exit D, Jordan MTR Station
continue reading
Introduction
Korean boss and Head Chef Mr. Cho had worked in US and Australia, and also as the Head Chef in Korea before. The name SURA was chosen because the concept of the restaurant is to use top ingredients, delicious food, and quality service, to bring an imperial-like dining experience to customers.
continue reading
Opening Hours
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
成班8個女同事一齊出嚟尖沙咀瘋狂購物，行到攰已經九點幾仲未食飯。唔想周圍行就由偽韓國媳婦同事帶路行咗入山林道食。安排我地座房，未坐低就已經擺好晒前菜，泡菜（唔過酸夠新鮮）、酸蘿蔔絲（食到尾佢救左我地因為可以消滯再繼續食）、醃黑豆（唔係度度有得食）。呢間其實我之前食過不過咁多人一齊食好開心可以乜都叫。見到餐牌梗係話乜都食一出嚟叫咗個$1388四人餐先之後再散叫野。餐包括牛肋骨、肉眼扒、雞肉、帶子、泡菜煎餅、人蔘雞湯、石頭鍋飯、韓式炒粉絲。另外叫咗豬手、燉牛肋骨、炒年糕、海帶湯、泡菜豆腐湯同五花肉，openrice bookmark送左我最愛既燒豬皮。芝麻葉、菜、蒜同前菜無得refill傷心死⋯⋯無包菜我食唔到咁多肉🙈以為四人餐份量會好少點知原來份量都夠。牛肋骨、肉眼、豬皮有專人幫我地燒，可能怕我哋燒焦啲靚肉掛🙄其他呢我哋就自生自滅。啲靚肉係真係好味，牛肋骨有濃郁牛肉味但唔老（姐姐燒得真係好），肉眼甜肉質軟。豬皮係我最愛梗係好重骨膠原好有彈性超級膠質。五花肉燒到脆卜卜不過同事燒到有啲乾。點提供既醬救番佢😂雞肉就麻麻哋，帶子都OK大粒嘅但唔鮮味，泡菜煎餅就多夠辣，人蔘雞湯好大隻唔夠滑，冇乜人蔘味，只見到一粒蔘。海帶湯普通。豬手勁大碟😻，皮勁滑好好味，肉又夠冧，一啲都唔鞋入口即溶，配埋辣醬生菜同蒜一齊食一流。炒粉絲好大碟有青口魷魚圈唔油但無乜麻油味，粉絲質地好彈牙都炒得入味唔鹹。韓式炒年糕個味好好味，中間有啲魚糕，年糕唔韌。個汁就真係辣但係辣得來好好味嗰個辣住出汗都要食。燉牛肋骨又係好味，泡菜豆腐湯配飯上，雖然好飽但係都係個個爭住食。石頭鍋飯郁都冇郁過⋯⋯太飽啦。眼闊肚窄咁叫實食唔晒要打包左個飯。埋單仲每人俾左杯蘋果醋我哋消滯添。
continue reading
之前去過韓國食過醬油蟹 撈埋d紫菜飯食好好味 一試難忘，自此之後返到香港就一直想試返，但係食左好多間唔同既韓國餐廳都搵唔返正宗既味道，佢地大多都唔係用韓國蟹整。今次就試下呢間，點知一試就食到似曾相識，好似上次韓國醬油蟹既味道，原來佢地真係由韓國引人原料，原隻新鮮韓國運黎，連大廚都係韓國人黎，怪唔知得食得返正宗既味道，而且叫醬油蟹仲配有紫菜飯，食返真係回味無窮，想試醬油蟹既朋友呢間真係不容錯過！
continue reading
尖沙咀韓菜多，今日就試呢間山林道既樓上鋪，裝修都幾型格！落單後，侍應送上前菜，五款選擇相當多，仲會refill! 個人認為菠菜同牛肉唔錯。叫左240蚊既牛肋骨，入味，可以肉質未算腍。下次再黎試下韓燒先！
continue reading
跟幾個朋友新一年第一個飯聚，有人想食韓燒，便去了山林道的一家韓國餐廳。被帶子吸引，點了4人餐，另加一個年糕。先來幾個韓式小食，水準正常。肉眼出場，肥膏偏多，肉汁及肉味濃，包著生菜食中和了肥膩感，尚算不錯。已醃好的雞肉及牛肋骨肉，雞肉乾了些，兩者燒出來都比較鹹。萬眾期待的帶子，燒起來都嫩口，不過略欠鮮味。炆牛肋骨，炆得夠腍身，但過甜了些。海鮮煎餅，又厚又大件，份量很多。煎得不算油膩，只是裡面大多是蔥，不太覺有海鮮。另外還有人參雞湯和石頭飯，同樣是份量大，味道正常。還有另點的年糕，用了芝士焗，又一飽肚之選。韓國菜很少煮得難食，而韓燒的重點是肉的質素。這個餐以熟食的份量多取勝，肉的調味則稍為遜色。
continue reading
如果想試韓國地道野食真係要去試下，一入到去就見工個韓國人既經理好有禮貌，坐低叫餐沒耐就送上前菜 有5款咁多 到正餐 燒韓燒果陣 一碟一碟既肉拿過黎睇落已經唔錯 燒落去更加係肉味香農，食落發現好入味 淡淡肉汁再點埋d醬 真係未食過咁好食既韓國餐廳 想食韓國地道風味既朋友有機會真係去試下
continue reading