串カツ専門店

Open Now

Now Closed

多位朋友推薦嘅一間居酒屋。每張枱都有平板電腦落單，真係好似去左日本居酒屋咁呀。試左佢嘅蜜柑啤酒，飲得出佢嘅蜜柑味都幾夾啤酒，上邊嘅泡泡係沙冰，冰涼暢快，打卡亦一流。炸串叫左日本雞蛋豬肉卷，海鰻，秋葵蝦，帆立貝。全部都炸得好鬆脆可口，食材亦有質素。最鐘意佢嘅章魚仙，本身好鐘意食章魚燒，章魚仙係第一次試。蝦片亦係我喜愛嘅零食，兩者加埋味道好夾，亦多左一重口感，非常推薦。鐵盒蒸蠔CP 值非常高 ，$220/半打。每日限定。蒸蠔好大隻，啖啖肉。甜品選擇不多，當日有雪糕同芝士蛋糕。朋友生日原故，預留了柚子芝士蛋糕。可以預先安排寫字服務。節日慶祝都非常適合嘅一間居酒屋。另外大腸鍋都係佢嘅招牌菜，有機會一定要再試。