燒烤堂 (Closed)

探朋友，順便食埋飯。地膽話有間串燒好抵食，唔使加一，質素高，一定要試吓啦。小小的店鋪，貼滿懷舊海報，幾有feel。食物選擇都幾多，兩版紙。一坐低就叫咗杯orion生啤同柚子梳打。生啤夠凍就一定好飲，正！柚子梳打唔會好甜，唔錯。雞腎 - 超級爽口彈牙，好juicy鹽燒牛舌芯 - 又係好彈牙，真係好厚切，唔難咬。加檸檬汁，真係好好食汁燒大蔥雞肉 - 醬汁好惹味，雞肉細舊咗啲，不過好juicy秋葵 - 秋葵bb好嫩滑茄子 - 香蒜好醒胃，個皮燒得好靚，可以食埋萵筍 - 好爽甜墨魚咀 - 第一次見串燒墨魚咀，有啲韌豬頸肉 - 嫩滑，個汁夠酸墨魚鬚 / 白鱔 - 個汁有啲咸，但食材新鮮煎墨魚餅 - 有真。墨魚，真材實料，絕不欺場。面搽咗鹹蛋黃醬，好夾。真係好高質，下次同友人再食多次。