Video
Read full review
2023-03-03
45 views
😉灣仔串燒廚師發辦～餐廳係木系裝修，感覺係高級嘅日式居酒屋，坐吧枱位置，店員/ 廚師都勁容易解釋每一道菜～ 而家佢哋日籍廚師係京都人～今日叫咗佢哋嘅串燒廚師發辦前菜：醃漬銀鱈魚 ｜鰻魚蛋卷 ｜明太子沙律 ｜虎蝦 ｜芥辣八爪魚 ｜蜆肉豆乳湯 芥辣八爪魚刺激味蕾；醃漬銀鱈魚開胃；蜆肉豆乳湯鮮甜；虎蝦加入山芋，彈牙之餘多咗一重口感串燒（八款）：令和怪物｜燒雞腿｜免治肉串｜阿波尾雞翼｜雞心｜燒厚揚｜粟米｜牛/ 羊▪️令和怪物～蠔飽滿之餘又鮮甜▪️燒雞腿～用上日本華昧鳥雞腿肉，肉味濃郁又超嫩滑，用少少鹽同埋手指檸檬做調味，突顯雞肉嘅鮮味▪️免治肉串～加入咗鴨肉入邊有洋蔥粒，多米用松露油，食到肉嘅鮮味，仲可以點蘭王蛋嚟食▪️阿波尾雞翼～皮脆肉嫩▪️雞心～爽口，加上自家調製嘅醬汁同埋蔥花▪️中間有用三色蕃茄x 柚子啫喱做間場，清新嘅蕃茄可以減低油膩感。▪️燒厚揚｜粟米～燒厚揚即係豆腐，先炸後燒。加上醬油外脆內軟又惹味。粟米就大概燒到四五成熟，咁樣就唔會收晒水太過乾，非常鮮甜。▪️牛舌心｜羊架本身牛羊二揀一，選擇困難症之下，牛同羊都想試就一人揀一款～ 澳洲和牛牛舌心爽口重油香。羊架肉質鮮嫩又Juicy，用輕微鹽同黑椒
餐廳係木系裝修，感覺係高級嘅日式居酒屋，坐吧枱位置，店員/ 廚師都勁容易解釋每一道菜～ 而家佢哋日籍廚師係京都人～
今日叫咗佢哋嘅串燒廚師發辦
前菜：醃漬銀鱈魚 ｜鰻魚蛋卷 ｜明太子沙律 ｜虎蝦 ｜芥辣八爪魚 ｜蜆肉豆乳湯
芥辣八爪魚刺激味蕾；醃漬銀鱈魚開胃；蜆肉豆乳湯鮮甜；虎蝦加入山芋，彈牙之餘多咗一重口感
串燒（八款）：令和怪物｜燒雞腿｜免治肉串｜阿波尾雞翼｜雞心｜燒厚揚｜粟米｜牛/ 羊
▪️令和怪物～蠔飽滿之餘又鮮甜
▪️燒雞腿～用上日本華昧鳥雞腿肉，肉味濃郁又
超嫩滑，用少少鹽同埋手指檸檬做調味，突顯雞肉嘅鮮味
▪️免治肉串～加入咗鴨肉入邊有洋蔥粒，多米用松露油，食到肉嘅鮮味，仲可以點蘭王蛋嚟食
▪️阿波尾雞翼～皮脆肉嫩
▪️雞心～爽口，加上自家調製嘅醬汁同埋蔥花
▪️
中間有用三色蕃茄x 柚子啫喱做間場，清新嘅蕃茄可以減低油膩感。
▪️燒厚揚｜粟米～燒厚揚即係豆腐，先炸後燒。加上醬油外脆內軟又惹味。粟米就大概燒到四五成熟，咁樣就唔會收晒水太過乾，非常鮮甜。
▪️牛舌心｜羊架
本身牛羊二揀一，選擇困難症之下，牛同羊都想試就一人揀一款～ 澳洲和牛牛舌心爽口重油香。羊架肉質鮮嫩又Juicy，用輕微鹽同黑椒做調味已經足夠～
揚物：炸貝柱
薄身炸漿脆口，裝包住軟熟嘅貝柱～ 伴碟有趣卜卜嘅麵條。
食事：豆乳咖喱烏冬
烏冬煙靭彈牙，估唔到豆乳同埋咖喱呢個配搭會咁㗎
甜品：奶凍 x Brownie x 布甸
師傅嘅精心自製甜品，甜而不膩好有心思
飲酒嘅朋友想自己帶酒嚟都可以，只要點返同一個份量嘅酒，本身帶嚟支酒就可以免開瓶費。另外佢哋做緊Happy Hour promote，$168 包咗四款串燒同埋一杯生啤，呢個價錢同同事收工過嚟吹吓水飲下酒都幾抵。
Post
