Video
Read full review
2019-02-26
1152 views
上次係同一條街食完丼就見到呢間串燒好似幾好食，就專登第二日再去試呢間！佢嘅位置好靚，啱哂啲嚟LKF嘅人玩到攰就食少少嘢，仲要佢開放式咁款，啲燒烤香味衝哂出嚟，大家自自然然走去食想坐底食嘅朋友仔可以去佢旁邊，有唔同座位俾你揀，可以靠窗邊bar枱形式或者長枱一齊圍住用餐叫嘢食嘅時候發現原來除咗串燒，仲有啲串燒飯或者海南雞飯食，咁樣就可以make sure正餐時段都有客仔，因為好少人會正餐齋食串燒，而且佢啲飯係中環嚟講價錢算ok！好聰明嘅手法去搵多啲生意～我地叫咗最common必叫嘅豬頸肉、魷魚鬚、菠蘿、雞肉、露荀、雞翼同白膳佢有唔同嘅醬汁可以揀，我地主要試咗莞茜酸辣醬、青咖哩醬，莞茜個款唔洗擔心好多陣莞茜味魷魚鬚燒到啱啱好，食落去每一條都好爽口唔韌豬頸肉就無得輸，肉質結實爽口，外面燒到有少少焦，食落更加有風味菠蘿係我朋友嘅favourite，佢一串有四粒菠蘿。我自問個口比較細，一口咬下一粒之後個口完全無位再咬。但朋友推薦一口咬住再係口內咬開會好正，勁多菠蘿汁爆哂出嚟，非常正雞肉肉質好嫩，不得不讚👍🏿白膳一串有四塊，外表烤得有少少脆口，裏面肉質都幾肥美，不過要小心啲骨～雞翼叫咗兩串，一串有兩
佢嘅位置好靚，啱哂啲嚟LKF嘅人玩到攰就食少少嘢，仲要佢開放式咁款，啲燒烤香味衝哂出嚟，大家自自然然走去食
想坐底食嘅朋友仔可以去佢旁邊，有唔同座位俾你揀，可以靠窗邊bar枱形式或者長枱一齊圍住用餐
叫嘢食嘅時候發現原來除咗串燒，仲有啲串燒飯或者海南雞飯食，咁樣就可以make sure正餐時段都有客仔，因為好少人會正餐齋食串燒，而且佢啲飯係中環嚟講價錢算ok！好聰明嘅手法去搵多啲生意～
我地叫咗最common必叫嘅豬頸肉、魷魚鬚、菠蘿、雞肉、露荀、雞翼同白膳
佢有唔同嘅醬汁可以揀，我地主要試咗莞茜酸辣醬、青咖哩醬，莞茜個款唔洗擔心好多陣莞茜味
魷魚鬚燒到啱啱好，食落去每一條都好爽口唔韌
豬頸肉就無得輸，肉質結實爽口，外面燒到有少少焦，食落更加有風味
菠蘿係我朋友嘅favourite，佢一串有四粒菠蘿。我自問個口比較細，一口咬下一粒之後個口完全無位再咬。但朋友推薦一口咬住再係口內咬開會好正，勁多菠蘿汁爆哂出嚟，非常正
雞肉肉質好嫩，不得不讚👍🏿
白膳一串有四塊，外表烤得有少少脆口，裏面肉質都幾肥美，不過要小心啲骨～
雞翼叫咗兩串，一串有兩隻，雞皮燒得香脆，裏面嘅雞肉都入哂味
除咗串燒，我地都叫咗個泰式串燒配炒飯及雜菜。睇個餐牌見到炒飯幅圖好惹味咁，結果真係好夠味！飯粒分明有咬勁，另外串燒係雞肉、豬肉同牛肉，配有沙嗲醬可以點
後尾走個陣見到人地個海南雞飯都好吸引，下次可以食呢個！
Post
