串亭

Open Now

Now Closed

串揚係種日本小食，將食材用竹籤串起，再上炸漿炸。第一次食串揚好期待～餐廳環境好闊落，坐得好舒服。有幾個bar 枱位可以望住廚師主理，識日文嘅仲可以一路食一路同廚師暢談！頭盤係有三味小菜嘅前菜拼盤，分別係：明太子薯仔沙律、味噌醬翠玉瓜同魚生刺身。三款小菜真係好fresh 好開胃，魚生刺身夾住配有醬油嘅洋蔥真係好好食！😋之後嘅炸和牛西冷配黑松露醬串同炸天使蝦串一齊上，不得不讚下個和牛真係好鎖肉汁！咬落去熱辣辣，仲好重牛肉香味。天使蝦好大隻，口感爽口～炸三文魚串配三文魚籽香口又有三文魚籽嘅油香。炸鯡魚籽昆布串好驚喜，鯡魚籽口感爽脆，配埋木魚碎好香～再之後食咗柚子鰤魚串同炸汁燒鰻魚串。有柚子味嘅鰤魚酸酸甜甜好醒胃～鰻魚串好好食，因為鰻魚係本身已經用醬汁煮好先再炸，加埋山椒醬好香濃！日式炸鮑魚串係好好味㗎！佢嘅外層好酥，內裡嘅鮑魚肉質都非常鮮嫩。啱啱炸出嚟嗰陣，啲香氣都好濃郁，真係咁食落去，啲香味同啲鮮味直落肚啦！同埋佢嘅醬汁搭配得好啱，甜辣口味好平衡，增加咗味覺上嘅豐富度。總括嚟講，呢道炸鮑魚串好適合當做小食或者下酒菜，好推介㗎！